Продолжуваат активностите во рамки на платформата „Чаир во ритамот на здравјето“, каде граѓаните на пуктови во околината на Општина Чаир можат да добиваат бесплатни совети и здравствени услуги.
Претседателот на Советот на Општина Чаир, Мухамед Муртези, заедно со директорот на Здравствен дом Скопје, Самир Исени, ги посетиле пунктовите каде што се реализираат активностите, со цел одблиску да се запознаат со нивниот тек и со услугите што им се нудат на граѓаните.
Медицински тимови на локациите Паркот на Чаир, Паркот „Младина“ и во Старата чаршија продолжуваат со основни здравствени прегледи, мерење на крвниот притисок и нивото на шеќер во крвта, советување и превентивни активности за заштита на здравјето во услови на високи летни температури.
Од Општина Чаир најавуваат дека платформата „Чаир во ритамот на здравјето“ ќе продолжи и во наредните денови, обезбедувајќи бесплатни здравствени услуги и промовирајќи ја културата на превенција, со цел здравствената грижа да биде што поблиску до секој граѓанин.
