Фестивалот на народни песни и игри „Илинденски денови“ продолжува со вечер на традиционална музика и игра на која ќе настапат ансамбли од Македонија, Холандија, Унгарија и Словачка.
Први на фестивалската сцена, со своја програма ќе се претстават членовите на КУД „Мирче Ацев“ од Прилеп, а според програмата, публиката ќе може да ги види и чуе, женската група „Теута“ од Тетово, АФ „Гоце Делчев“-Битола, КУД „Јане Сандански“-Неготино, ансамблот „Орце Николов“ од Скопје, КУД „Илинден“-Битола, како и гостите од Холандија, Унгарија, Словачка и Венецуела, кои првиот настап го имаа на свеченото отворање на фестивалот.
Во рамки на фестивалот, претпладнево во организација на домаќинот НУ Центар за култура Битола и претставници на светската организација на фолклорни фестивали ЦИОФФ ќе одржат стручни предавања за развојот на фолклорот во светот.
