„Северни“ свидетелства, дипломи, изводи и други документи. Македонија се истрча и спроведе речиси се и тоа пред време, иако Преспанскиот Договор предвидува преоден период за внатрешна употреба на новото уставно име.
- „Издавањето на ваквите документи и материјали… ќе започне при отворањето на секое поглавје на релевантното поле во преговорите со Европската Унија и ќе биде финализирано во рок од пет години оттогаш.“ – Член 1 Став 10 од Преспанскиот Договор.
Ова буквално значи дека свидетелствата и дипломите требаше да станат „северни“ најдоцна 5 години по отворањето на поглавјето 26 кое се однесува на образованието и културата но тие се веќе сменети.
Над 130 институции добија налог да станат национални или северни наместо македонски иако и тие имаа простор да се преименуваат подоцна, барем за внатрешна употреба.
Возачките дозволи и сообраќајните книшки требаше да станат „северни“ 5 години по отворањето на поглавјето 16 кое се однесува на транспортната политика. –
Хаосот кој настана со исправите и мораше да се исправа буквално во 5 до 12, е резултат на законски измени донесени во 2021-та година, измени за кои немало никаква потреба ниту обврска.
- „Возачките дозволи и возачките книшки, кои го содржат натписот „Република Македонија“ издадени до денот на започнувањето на примената на овој закон, ќе важат до истекот на рокот на важење кој е наведен во возачката дозвола, најдоцна до 12 февруари 2024 година.“ – Закон за изменување и дополнување на Законот за безбедност на сообраќајот на патиштата
За безредието да биде поголемо иако законските измени се донесени пред две и пол години, во меѓувреме продолжи издавањето и на возачки и на сообраќајни со старото уставно име, истото се однесува и на пасошите и личните карти.
Власта на ДУИ и СДСМ се обидува да спинува дека за безредието што го предизвика била виновна опозицијата, а нема одговор на клучното прашање – зошто воопшто ги донесе сите законски измени кога во Преспанскиот Договор „Северна“ за внатрешна употреба се врзува со преговорите со Брисел.
Дали сте за членство во ЕУ и НАТО преку поддршка на договорот помеѓу Република Македонија и Република Грција?“. Вака гласеше прашањето на неуспешниот референдум. Власта ја погази народната волја и го смени Уставот, го избриша старото име, а засега нема ништо ниту од ЕУ, ниту од Република Македонија, а граѓаните наместо да добијат подобри перспективи станаа заробеници во сопствената држава која не е способна да им ги издаде потребните документи.
Александра Ристевска
