Политичките субјекти треба да се воздржат од јавно етикетирање и дискредитација на медиумите, реагираат од Здружението на новинарите на Македонија. Таквите настапи можат да имаат ограничувачко влијание врз слободата на изразување и да ја намалат довербата во јавноста, што оправдано буди загриженост и е за осуда.
Во конкретниот случај, СДСМ, наместо јавно да ги рецензира медиумите, требаше да ги искористи механизмите на саморегулаторните тела. Доколку постои сомнеж за неетичко или непрофесионално известување, на располагање стојат утврдени саморегулаторни механизми, како Советот за етика во медиумите и Советот на честа, преку кои може институционално и аргументирано да се проверат ваквите наводи, стои во интегралниот текст од реакцијата на ЗНМ по прес-конференцијата на СДСМ.
