Движењето Знам размислува да настапи со самостојни советнички листи на претстојните локални избори, а за градоначалници да оди со взаемна поддршка на ВМРО-ДПМНЕ.
Партијата ја започнува кампањата „Заедно повеќе знаеме“, и во следните 60 дена ќе ги посети сите општини во Македонија и ќе одржи средби со членовите, симпатизерите и граѓаните.
„Целта е директно да се запознаат со проблемите на граѓаните, но и да се слушнат нивните предлози, сугестии и мислења, кои ќе послужат за креирање на програмата за претстојните локални избори,“ рече Никола Мемов од ЗНАМ.
По средбите, партијата ќе направи анализа за избор на квалитетни кадри за кандидати за градоначалници и кандидати за советници. Централниот одбор на партијата донел одлука во втората половина на јуни да се одржи втор изборен конгрес, на кој ќе бидат избрани претседател на партијата, како и централен и надзорен одбор со мандат од четири години.
