Доскорешниот лидер на Алијансата за Албанците, Зијадин Села, најави основање на нова политичка партија под името „Албански сојуз“.
Во интервју за весникот на албански јазик „Лајм“, Села истакнува дека членовите на оваа нова политичка иницијатива се водат од јасни идеали и дека нивната цел е повторно да изградат силен политички субјект.
„Ние не мислиме дека решението е оставка и предавање. Не оставам на случајноста, јас сум ја создал таа нова политичка партија. Веќе е формирана и се вика Албански сојуз, има црвено-црни бои и нема да се откажеме од оваа работа. Идејата на Алијанса за Албанците и нејзината кауза имаат свое продолжение“, вели Села.
Оваа најава доаѓа по одлуката на Основниот суд во Тетово од 18 март, со која партиските печати ѝ беа доделени на фракцијата на Алијансата за Албанците предводена од Арбен Таравари.
Од таборот на Села тогаш најавија дека ќе ја оспорат одлуката и ќе поднесат жалба до Апелацискиот суд.
