Продажните цени на производителите на индустриски производи на домашниот и на странскиот пазар во јуни годинава се зголемени за 0,3 отсто во споредба со претходниот месец, а за 5,3 отсто во однос на истиот месец лани.
Според податоците на Државниот завод за ститистика, во споредба со мај 2025 година продажните цени се зголемени во секторот Рударство и вадење на камен за 2,5 отсто и во секторот Преработувачка индустрија за 0,3 проценти, додека остануваат непроменети во секторот Снабдување со електрична енергија, гас, пареа и климатизација и во секторот Снабдување со вода; отстранување на вода, управување со отпад и дејности за санација на околината.
Во јуни 2025 година, во однос на истиот месец од претходната година, продажните цени на производителите на индустриски производи во секторот Рударство и вадење на камен се намалени за 2,9 отсто, а се зголемени во секторот Преработувачка индустрија за 5,5, во секторот Снабдување со електрична енергија, гас, пареа и климатизација за 8,3 и во секторот Снабдување со вода; отстранување на вода, управување со отпад и дејности за санација на околината за 4,8 отсто.
Продажните ценина производителите на индустриски производи во јуни годинава, пак, на странските пазари се зголемени за 0,4 проценти во однос на претходниот месец, а за 5,3 отсто во споредба со јуни 2024 година.
При тоа, продажните цени на производителите на индустриски производи на странските пазари во споредба со мај 2025 година се зголемени во секторот Рударство и вадење на камен за 2,8 и во секторот Преработувачка индустрија за 0,3 отсто. Во споредба со ланскиот јуни, продажните цени на производителите на индустриски производи на странските пазари во секторот Рударство и вадење на камен се намалени за 3,3 отсто, а во секторот Преработувачка индустрија се зголемени за 5,7 отсто.
