Во Пехчево започна реализацијата на проектната активност за реконструкција на кровот на објектот на ОЈУДГ „7 Септември“, во рамки на проектот „Воведување на мерки за Енергетска ефикасност на јавни објекти и користење на ОИЕ – Подобрување на условите во образовниот процес во Источен плански регион“.
Проектот е финансиран од Бирото за регионален развој и Општина Пехчево, преку Источниот плански регион, а со вчерашното воведување на фирмата изведувач во работа, официјално започнаа градежните активности.
На почетокот на работите присуствуваа градоначалникот на Општина Пехчево, Александар Китански, и директорот на Центарот за развој на Источниот плански регион, Трајче Здравков.
-Инвестициите во вакви проекти се директна инвестиција во нашите најмлади. Со реконструкцијата на кровот создаваме побезбедни и поквалитетни услови за децата и вработените во градинката“, истакна градоначалникот Китански.
Со реализацијата на проектот се очекува да се подобрат условите за престој на децата, како и условите за непречено одвивање на воспитно-образовниот процес во ОЈУДГ „7 Септември“.
Проектот претставува уште една инвестиција во подобрување на јавната инфраструктура и енергетската ефикасност, со цел создавање современи, безбедни и поквалитетни услови за најмладите жители на Пехчево.
