Запален камион во село Косевица, интервенираа каменичките пожарникари

Територијалната противпожарна единица од Македонска Каменица денес интервенираше на запален товарен камион во селото Косевица.

На местото на настанот по дојавата интервенирале две противпожарни возила со тројца пожарникари.

-По дојавата, пожарот навреме е  локализиран и изгаснат, а со тоа спречено е и понатамошно проширување на пожарот, истакнаа од Територијалната противпожарна единица.

Во пожарот нема повредени лица, а  причините дополнително ќе се утврдуваат.