Заштитата на природата не е повеќе само прашање на еколошка свест, туку станува стратешки императив за компаниите кои сакаат да обезбедат долгорочен развој и стабилност.
На регионалната конференција што се одржува во земјава, експерти и бизнис-секторот дискутираат за начини како компаниите да ги препознаат и проценат ризиците поврзани со природата, како да го вклучат биодиверзитетот во своите корпоративни стратегии, и како да придонесат за обновување на екосистемите.
Фокусот на конференцијата е изградба на отпорност на компаниите преку одговорно управување со природните ресурси и создавање долгорочна вредност – и за бизнисот и за општеството.
