Тоа што нема лекар во велешката касарна каде деновиве изби скандал со заразени војници од шуга, за министерката Шеќеринска не само што не е непознато, ами изгледа и оти не е скандалозно. Таа вели дека лекарот не бил тука оти бил испратен на специјализација. Ама зошто тоа би требало да биде оправдување за да не се донесе нов лекар?
“Факт е дека во армијата долги години медицинската струка била занемарена.Ниту се регрутирале ниту се чувале кадрите, ниту пак специјализирале.Ние го направивме чекорот што е неопходен,а тоа е што испративме лекар на специјализација “- вели Шеќеринска.
Прашањето за немање лекар во касарна со 200 војници на патот кон НАТО можеби не ја вознемирува толку министерката – колку што присуството на екипата на Алфа.
Изјавите на луѓето вработени во касарната што Алфа вчера ја посети се на иста линија со шефицата на одбраната. Тие дури и не убедуваа дека немаат потреба од лекар,и дека било доволно еден стоматолог, неколку медицински техничари и психолог да се грижи за повеќе од двесте воени лица.
“Во моментот имаме доволно медицински кадар, во однос на среден и образован медицински персонал кој е од состав од армијата” – изјави Јаневски.
Скандалот во велешката касарна изби пред неколку денови кога јавноста разбра дека кај војската, што ќе стои рамо до рамо со војниците од НАТО, има шуга. Еден е официјално заразен, а неофицијално се најмалку 8 кои можно е да се заразиле додека првиот не знаел дека е болен. За министерката, имало само уште двајца што се под надзор.
Ања Василева
