Бура реакции предизвикува односот на државниот правобранител, кој наместо да дава одговори во интерес на јавноста, тој реши да се препукува со новинарите. Алфа побара став зошто катастрофалните закони за енергетика, цела недела чекаат јавна оценка од државниот правобранител, кој е должен да ги штити и да се заложи за заштита на суверенитетот на Македонија. Ама наместо тоа, тој се занимаваше, ни повеќе ни помалку со идентитетот на нашата новинарка Кристина Алексиеска, односно не ни одговорил на прашањата бидејќи се чудел, цела недела, дали Алексиеска навистина била новинар во Алфа. Всушност ова беше едниствениот одговор што го добивме, па повторно му ги испративме истите прашања.
Со реакција се огласи Здружението на новинари на Македонија кое предупредува на непрофесионалниот и понижувачки однос кон новинарите од страна на Државното обвинителство. Од ЗНМ укажуваат дека јавните функционери треба да се трудат да дадат одговори на сите прашања, а не да ги игнорираат и понижуваат новинарите и медиумските работници.
Инаку, според законот за стратешки инвестиции, пред некој проект да добие статус стратешки со кој добива огромни бенефиции од државата, амин мора да даде Државниот правобранител. Најспорна е инвестицијата од грчки Митилинеос.
