Денеска и утре на универзитетот „Св. Кирил и Методиј“ во Скопје е пријавувањето во вториот уписен рок за прва година додипломски студии за оваа учебна година. За кандидатите што се запишуваат само според успехот од средното образование, прелиминарната ранг-листа ќе биде објавена на 20 септември, а конечната на 25 септември.
Наредниот ден, на 26 септември, е запишувањето на студентите. Кандидатите што се рангираат според успехот од средното образование и според проверка на знаења и умеења, полагањето ќе го имаат на 19 септември. за нив прелиминарната ранг-листа ќе биде објавена на 23 септември, а конечната два дена подоцна. според информациите од УКИМ, по првиот уписен рок слободни места има на речиси сите факултети во состав на скопскиот универзитет.
Па така на Архитектонскиот факултет во првиот уписен рок се пополнети сите слободни места, додека на градежен факултет се слободни 233. На ФЕИТ за редовни студенти во државна квота се слободни 194 места, додека на ФИНКИ има 59 места, од кои најмногу на насоката компјутерско инженерство.
За редовни студенти на Машинскиот Факултет за вториот уписен рок има 452 места, на Технолошко-Металуршкиот факултет 238, а на Природно-Математичкиот факултет 418 места.
На Економскиот факултет нема слободни места за студенти кои се финансираат од буџетот додека на правниот факултет има 100 слободни места. На филозофскиот факултет слободни има 592 места, а на Филолошкиот факултет околу 300 места за сите насоки.
