Актуелниот вицепремиер Изет Меџити на триумфален начин се враќа во Чаир да раководи со општината. Во првиот круг од локалните избори го депласираше противникот Бујар Османи од ДУИ со освоени 15.733 гласови наспроти 12.264 во општината за која се водеше најжестоката битка меѓу двете најголеми албански партии. Односно, 51,82% од гласовите отидоа кај ВЛЕН, а 40,39% кај Бујар Османи и Националната алијанса за интеграцијата.
Со огномет, членовите на ВЛЕН синоќа на Скендербер излегоа да ја слават победата. Лидерот на ВЛен и победникот во Чаир, Меџити, побара оставка од Али Ахмети.
Интегративецот Бујар Османи кој за време на кампањата не пропушташе можност да се појави пред камери, по поразот, не се појави во јавноста туку победата на својот против кандидат Меџити му ја честиташе преку својот Фејсбук профил
Им честитам на мојот противкандидат и на целиот коалиционен тим што стоеше зад него — тие се победниците на изборите во Чаир, и им посакувам успех во управувањето со општината во следните четири години, Фејсбук профил на Бујар Османи, кандидат за градоначалник на Чаир.
Поразот на Бујар Османи во Чаир е уште потежок бидејки пред само три дена, тој денот на изборите го нарече рефендум за иднината на Чаир. Но, не само тоа што тој се надеваше на успешен рефендум и голема победа во Чаир, бадијала му беше и помошта на актуелната градоначалничка Данела Арсовска која две недели водеше кампања против Изет Меџити обвинувајќи го за дивоградбите во општината.
Коалицијата ВЛЕН, освен во Чаир, извојува победа и во други пет клучни општини како што се Арачиново, Желино, Сарај, и Теарце, а води и во Тетово. Актуелниот градоначалник Биљал Касами во првиот изборен круг е во предност со 4000 гласови пред неговиот опонент Бајрам Реџепи од Алијансата за интеграција на Али Ахмети.
Коалицијата предводена од ДУИ, според податоците на ДИК, во првиот круг се избори за градоначалници во Гостивар, Липково, Пласница и општина Чашка.
