Додека ДУИ „чуваше стража“ пред Уставен, како бомба одекна веста дека Груби е ставен на црната листа на САД. На социјалните мрежи се појави и видео кое наводно го покажува токму моментот кога аберот стигнува до Бујар Османи и Арбер Адеми.
На социјалната мрежа „Х“ беше објавен исечок од јавувањето во живо на портал на новинарот Фуркан Салиу, кој во шаторот пред Уставен правел интервју со Османи и Адеми. Во исечокот се гледа моментот кога Бујар Османи и Арбер Адеми, додека се во живо, преку нивните мобилни телефони ја добиваат веста за новата американска „црна листа“ на која се наоѓа сопартиецот Артан Груби.
Објавата предизвика големо внимание на социјалните мрежи, а во неа може да се погледне реакцијата на Османи и Адеми, кои веднаш станаа и го напуштија интервјуто.
И откако како попарени Османи и Адеми се повлекоа, шаторот во кој ќе кампуваа за да го бранат јазикот за момент се испразни, а човек не остана ниту пред Уставниот суд.
Во текот на ноќта немаше кој да држи „стража на јазикот“. Уставниот суд на 11 декември во среда ќе ги разгледуваат оспорените одредби од Законот за употреба на јазиците.
