Со инсталирање на системот „Скада„ штипското комунално претпријатие Исар, ќе се бори со загубите на вода. Тоа значи дека со овој систем, ќе се врши целосна контрола на водоводната мрежа во градот и ќе се знае каде се губи водата за пиење откако излегува од Филтер станицата.
„Тоа е комплексен систем кој ќе биде потавен на 37контролни точки. Ќе се изведува компјутерски преку специјален софтвер и ќе може сите тие дефекти и загуби на вода во кои спаѓаат и кражбите, навремено да се детектираат и да се преземат соодветни мерки за да се спречат„ изјави Александар Арсовски, директор на ЈП„Исар„Штип.
Една од главните придобивки на овој систем, е тоа што со него ќе се стави ред и на кражбите на вода од страна на граѓаните. Се претпоставува дека откако ќе биде инсталиран, загубата на вода која е околу 60% ќе се сведе на минимум . Според анализите Исар, по основ на загуби на вода поради старата и дотраена мрежа, но и дивите приклучоци годишно губи околу 2,5 милиони евра
„Кражбите на вода се проблем со кои постојано се соочуваме. Единствено по дојава на граѓани може да се констатираат и спречат. Но по инсталирањето на системот Скада, тоа ќе може и софтверски да го решиме и ќе бидат сведени на минумум„ изјави Александар Арсовски, директор на ЈП Исар.
Освен решавање на проблемот со загубите на вода, се очекува ова лето штипски Исар, конечно да го нормализира и водоснабдувањето , посебно во повисоките населени места. Откако ќе се заврши со градбата на резервоарот „Пребег„ , веднаш ќе се започне со изградба на уште еден резервоар. И двата се дел од новата Водоводна линија 2.
Александра Ристеска
