Македонија добива на атрактивност кај странските туристи. Најновите податоци од државниот завод за статистика покаживаат значителен раст. Во период од 11 месеци во 2025 година, споредбено со истиот период од 2024 година, бројот на странски туристи се зголемил за над 10%. Во истиот период се регистрира и мало намалување на бројот на домашни туристи од 2,5%. Ова значи дека вкуопниот број на туристи во државата е зголемен за 6%.
Најголем број туристи во државава имало од Турција, потоа следуваат Германија, Србија и Грција.
Ваквиот развој не е изнеандување, ако се имаат предвид политиките на Владата и активностите во оваа насока. Пред се во делот на авиосообраќајот, кој минатата година заврши со рекорден број на превезени патници од двата македонски аеродрома.
Вицепремиерот Александар Николоски повеќепати нагласуваше дека владиниот план е амбициозен, а стратегијата е Македонија да стане уште попривлечна за странските туристи. Клучно во овој дел е поддршката во авиосообраќајот, кој продолжува да добива на динамика со нови дестинации. Само лани, беа воведени над петнаесетина, со што патувањето кон и од Македонија доби на уште поголема атрактивност. Клучниот фактор веројатно е во одлуката на Владата да го проемни начинмот на субвенционирање кој го добиваат авиокомпаниите. Наместо за патници во заминување како претходно, сега поддршката е за патници кои доаѓаат во Македонија.
Освен авиосообраќајот, туризмот ќе го поттикне и железничкиот сообраќај кој треба да стане побрз и поефикасен, но и планот на Владата за изградба на модерни хотели, посебно доклж патните коридори.
Трендот на раст на туристите се очекува да продолжи. Според податоците кои беа вчера изнесени од ТАВ Македонија, број на патници на македонските аеродроми лани бил зголеменза девет проценти.
