Македонија и следната недела се очекува да има најниска цена на горивата во регионот.Иако, во текот на измината недела нафтата достигна и рекорд над 120 долари за барел, мерките придонесоа ова поскапување да не го почуствуваат македонските возачи и превозниците. Според последните пресметки се очекува цените на горивата да останат стабилни.
„Во овој момент остануваме на мерката намалено ДДВ за бензините, 95 и 98 октани на 10%, остануваме на мерката намалени акцизи, просекот кој што е на плац Флоп италија, ќе значи намалени акцизи за 2 денари литар, а за дизелот ќе значи 4 денари за литар. А, што се однесува кај ДДВ-то за дизел горивото тоа ќе остане на 18%, и со тоа нашето дизел гориво е од 30 до 50 евроценти по литар поефтино од дизел горивата во соседството денес. А, очекувам од понеделник да биде уште поефтино“, изјави Премиерот Христијан Мицкоски.
Во моментов цените на горивата кај нас се поефтини во просек по 15 денари во однос на цените од Балканот. По излегувањето на Обединетите Арапски Емирати од ОПЕК+ и одлуката самостојно да произведуваат нафта цените на светските берзи се намалија од 120 на 110 долари за барел. По последното писмо кое Иран го испрати до САД за надминување на кризата, дополнително цената на нафтата, во петокот ја достигна цената од 108 долари за барел, со тенденција за понатамошно намалување од понеделник.
Саудиска Арабаија, Русија и уште пет земји од ОПЕК+ најавија состанок на кој ќе се договорат квотите за производство на нафта и ќе заземат став по едностраното заминување на Емиратите.
