Општина Кочани и КЈП „Водовод“ и овој викенд продолжија со активностите за расчистување и уредување на повеќе локации низ градот. Овој пат се работеше во населбата Сиви Дом, каде се отстранети поголеми количества кабаст отпад – кофи, душеци, пружини и други предмети несоодветно оставени на јавна површина.
Екипите од вработени во Општината и Комуналното претпријатие работеа и на повеќе други локации – кај Комплексот АСНОМ, Градскиот пазар и во близина на СОУ „Гошо Викентиев“, каде што е реализирано чистење и расчистување на јавните површини.
Општина Кочани апелира до граѓаните отпадот да го одлагаат совесно и на места предвидени за таа намена.
-Да ги чуваме јавните површини чисти и уредни – за Кочани какво што сите сакаме да го гледаме, се наведува во апелот.
