Брзината со која постапуваат скопските судови, е најголемата мака на граѓаните. Недоволен еден за нивната ажурност за судските предмети. Ништо подобро, судовите не стојат ни во поглед на корупцијата за која 40 отсто од граѓаните сметаат дека ја има, повикувајќи се на искуствата на роднини и пријатели. Девет проценти се соочиле со коруптивно барање, а од нив, на три отсто, судија, директно, им побарал мито. Средната оценка на задоволство од судските услуги е 3,1, а највисока оценка од граѓаните добила судската полиција.. Сето ова е содржано во анкетата што ја спроведеа Коалицијата „Сите за правично судење“ и Здружението на судии.
Поразителни се ваквите резултати, дециден е министерот за правда, Игор Филков.
- „Бројките се во рамките на очекуваното и се лоши. Да ги анализираме, да ги разгледаме и да видиме како понатаму, ова е поразително“, рече тој.
Довербата од два проценти во судството е апсолутна бројка вели претседателот на Здружението на судии, Иван Џолев. Според него таква доверба имале правосудните системи и во речиси сите земји членки на ЕУ. За Џолев анкети, како денешната, треба да бидат водилка во унапредувањето на ефикасноста на постапките, транспарентноста и зголемување на довербата на граѓаните во правосудството.
20 процените од испитаниците стекнале полоша перцепција откако имале директен контакт со скопските судови, но на што се должат ваквите оценки треба да има дополнителни истражувања, сметаат од Коалицијата „Сите за правично судење“.
Анкетата е спроведена на 1100 испитаници во декември лани и опфаќа различни аспекти како пристап до суд, квалитет на услуги, јавност и транспарентност, и борба против корупција.
