Локалитетот „Беш тепе„ кај карбинското село Радање, ќе влезе во светската археолошка мапа. Монетите и керамички експонати кои археолозите, ги пронајдоа во ѕиданата гробница, која датира од крајот на II и почетокот на III век, ја збогатуват понудата за археолошки туризам во државата, сметаат археолозите. Дополнително, интересен е фактот што пред десетина години на истиот локалитет е откриена уште една гробница, за која се претпоставува дека и во неа бил погребан голем великодостојник.
„Кога се откриени ваквите ретки наоди, би сакале во наредниот период да поднесеме проект за конзервација. И на тој начин да се добие уште една археолошка туристичка понуда во Карбинци. На тој начин покрај археолошкиот локалитет Баргала и овие две гробници да останат вака како што се, да бидат достапни за пошироката, но и за стручната јавност„ изјави археологот Митко Штерјов.
Уникатноста на гробницата е во нејзината структура. Досегашните искуства со могили на овие простоири се покриени само со земјена обвивка, но оваа е ѕидана и по тоа се разликува од останатите. На врвот на могилата бил направен посебен простор со редени камења, со првоаголна форма, каде што била поставена последната жртва на покојникот. Значајно за регионот е што има доста могили кои датираат од римскиот период
„Штипскиот регион во кој исто така се бројува и Конче, се издвојуват по тоа што заразлика од останатите краишта на Македонија, имаат голема концентрација на могили од римскиот период. Овде во село Радање, се забележани могили од халштатскиот период.Ззначи во овој дел од Македонија, традицијата на погребување под могили се забележува и во римскиот период„ изјави археологот, Ване Секулов
Во новооткриената могила која е висока скоро четири метри, погебани се три индивидуи. Покојниците биле спалувани, а гробната јама пред попложувањето на покојникот била горена за да се исчисти од злите духови.
Александра Ристевска
