Талогот од СДСМ на чело со Филипче кога нема што да понуди создава хаос и сее паника помеѓу граѓаните. Најновиот обид на СДСМ да се претстави водата во Скопје како небезбедна за пиење е крајно неодговорен политички потег кој ја преминува секоја граница на политички пресметки, стои во соопштението на ВМРО-ДПМНЕ.
Очајниот потег на СДСМ преку своите партиски послушници на социјалните мрежи да шират дезинформации за водата во Скопје дека наводно е небезбедна го надминува секое дно.
Венко Филипче да не си поигрува со здравјето на граѓаните и да не си прави експерименти додека е на јахтата на неговиот ментор Заев и ужива во луксузот на Егејот.
Очајните обиди на Филипче и СДСМ за ширење на дезинформации и креирање на паника помеѓу населението е директен доказ дека СДСМ нема што да понуди на граѓаните ниту пак имаат план и визија за државата.
Водата во Скопје е безбедна за пиење и тоа веднаш го потврдија сите надлежни институции. СДСМ да престане да ја користи јавната безбедност за дневнополитички цели. Здравјето и безбедноста на граѓаните не се средство за политичко профитирање.
СДСМ и Венко Филипче наместо да сеат паника и шират дезинформаации нека се обидат да се соочат со сопствената политичка испразнетост. Граѓаните имаа можност на дело да го видат целиот талог од СДСМ кој излезе на виделина.
