Има ли кормилар на бродот на СДСM што тоне? СДСM закажа прес-конференција на Фани Каранфилова-Пановска пред зградата на МНР. Само 15 минути подоцна, истата прес-конференција ја презакажаа пред седиштето на СДСM, стои во соопштението на ВМРО-ДПМНЕ.
За денес целосно да ја откажат.
Логично, по сето ова се поставуваат неколку прашања:
Дали и Фани Каранфилова-Пановска е на одмор, исто како Венко Филипче на јахтата на Заев, па не може навреме да стигне на прес-конференцијата?
Можеби на граничниот премин Евзони има преголема гужва за влез во Македонија, па Фани не може да пристигне?
Дали, можеби, избувнал пожар во кујната за лаги на СДСM, па денешниот рецепт за нова тура дезинформации им бил неуспешен?
Или, можеби, нема никој во штабот на СДСM ни да ја отвори вратата?
Како и да е, едно е очигледно – бродот на СДСM тоне, а кормилар никаде нема.
Талогот во СДСM очигледно е на одмор, а се активира само кога треба да шири лаги, да создава хистерија и да ѝ нанесува штета на Македонија.
