Навистина сме вчудоневидени, СДСМ живее во паралелен универзум, денес тоа и се потврдува. Генералниот секретар на СДСМ, денес на прес-конференција излезе и објаснуваше за тоа дека банка од Србија купила банка во Македонија, се наведува во соопштението од ВМРО-ДПМНЕ.
Повеќе од 10тина дена, СДСМ сака да продаде некаква приказна за српски свет во државата, но тешко им оди. Не ја научија лекцијата која им ја одржаа граѓаните, а на следните избори добро е ако имаат и 100.000 гласови.
Прашањето кое го поставуваме е дали СДСМ е опозиција во Србија или во Македонија? И зошто се толку опседнати со наша соседна држава? Дали има нешто коешто Заев и Филипче го кријат од јавноста во Македонија за некаков бизнис во Србија па затоа се гласни? Дали преку нашиот северен сосед, Заев купувал акции во индиска авиокомпанија? Чиви банкарски интереси во Македонија штити?
На лагите на СДСМ им се кратки нозете. „Бомбите” што ги промовираат, освен дим и чад, не „пукаат”.
