СДСМ и ДУИ го партизираа судството, функционерите на СДСМ и ДУИ ги злоупотребувале функциите од позиција на политичка моќ поради сопствени лукративни причини, велат во партиското соопштение од ВМРО-ДПМНЕ.
Борбата на СДСМ и ДУИ е борба за контрола на судството, за заштита на крупниот капитал кој што го стекнале на криминален начин.
Корупцијата, партизацијата, непотизмот, кронизмот како и протекционизмот цветаа во време на СДСМ и ДУИ, додека довербата во судскиот систем беше 2 %, а владеење на правото и правдата за СДСМ и ДУИ ниту како поим не постои.
Доказ за тоа е Артан Груби, тоа го кажува објаснувањето на Американскиот Стејт департмент за неговото ставањето на црната листа. Груби влијаел врз судски процес и за тоа земал мито.
Груби ја користел позицијата на вицепремиер и висок функционер на ДУИ, за лично да се богати од мито и корупција.
Таквото делување е синоним за начинот на работа на СДСМ и ДУИ. Делувањето на СДСМ и ДУИ и нивната борба за власт под превезот за демократија, владеење на правото и правдата е всушност борба на СДСМ и ДУИ за заштита на нивните функционери од криминалните активности и заштита на крупниот криминал стекнат на коруптивен и криминален начин.
СДСМ и ДУИ се разоткриени, за таквото делување одговорност мора да има.
Времето на „како до сега’’ заврши.
Време е за сериозна борба против криминалот и корупцијата.
Време е за системски решенија за трансформација на судските органи во независни, транспарентни и одговорни субјекти.
Време е за демократија, владеење на правото и правдата во Македонија, стои во соопштението на владејачката партија.
