На лагите од СДСМ им нема крај. Од СДСМ на Венко Филипче, континуирано си поигруваат со граѓаните и им создаваат паника. Еве неколку бројки со кои можеби на раководството на СДСМ поставено од Филипче ќе му биде појасно.
Во месец јуни 2017 година просечната плата изнесувала 22.808 денари, а во мај 2024 година просечната достигнала 41.252 денари. Тоа е зголемување од 18.444 денари за 84 месеци, што значи дека просечната плата во просек се зголемувала за околу 220 денари месечно, се вели во реакцијата на ВМРО-ДПМНЕ на соопштение на СДСМ. Во јули 2024 година, просечната плата изнесуваше 40.961 денар. Во мај 2026 година, просечната плата достигна 49.544 денари.
Тоа е зголемување од 8.583 денари за 23 месеци владеење на ВМРО-ДПМНЕ. Во просек, просечната плата се зголемувала за околу 373 денари месечно.
Во периодот на ВМРО-ДПМНЕ, просечната плата растела околу 70% повеќе месечно отколку во периодот кога на власт беа СДСМ и ДУИ.
Не се потребни празни зборови и политички пароли. Бројките зборуваат сами за себе. Поголеми плати значат повеќе пари за семејствата, поголема куповна моќ и подобар животен стандард за граѓаните.
ВМРО-ДПМНЕ работи за граѓаните, а резултатите се гледаат во бројките.
