СДСM како партија е „кукла на конци“, која се движи според агенда поставена од други, наместо од сопственото членство или јавноста. Филипче е лидер без кредибилитет, под целосен диктат на Зоран Заев, кој не може да ја консолидира СДСM, се вели во соопштението на ВМРО-ДПМНЕ, партија која за новите членови на ЦО на СДСМ вели дека се стари, истрошени и докажани лојалисти на дуото Заев-Филипче.
„СДСM е партија во ерозија, маргинализирана опозиција, а Филипче ја сведе партијата на петто место во Скопје и трета партија во државата со под 100.000 гласа. Филипче ја води СДСM кон пропаст и целосно исчезнување додека по насока на Заев оди на средби во Ниш со Милјан Шчекиќ и во Грција со Башановиќ да договара ПИ-АР стратегии кои се промашени и пропаднати.
