Венко Филипче денес глуми загрижен патриот, додека во владата со Заев ги распродаваа националните интереси и активно работеа за носење мигранти во Македонија, се наведува во соопштението од ВМРО-ДПМНЕ.
За време на владеењето на СДСМ, Зоран Заев заедно со Венко Филипче имаа партиска и државна политика за населување на мигранти, истите оние мигранти кои се проблематични низ Европа.
Филипче и Заев не само што биле спремни за населување на мигрантите во Скопје, туку и во 2018 година усвоиле План за изградба на мигрантски камп во Бардовци.
Филипче туркал камп во Бардовци и гласал да се доселат мигранти во Македонија, а за сето тоа има и доказ во Службениот весник од 2018 година, каде што е објавена одлуката на Владата за изградба на мигрантски камп, со Имотен лист бр. 2140 за КО Бардовци.
СДСМ и Филипче прават конструкции и смислуваат приказни и покрај тоа што сите во државата, но и британскиот амбасадор негираа дека во Македонија ќе се носат мигранти од Велика Британија.
Филипче и Заев да одговорат колку мигранти биле спремни да примат и колку ќе профитирале со тој чекор?
Од што се плашат Заев и Филипче па константно конструираат приказни?
Дали Филипче е толку гласен за мигрантите поради тоа што знае дека договарал носење на мигранти за истите суми кои тој и медиуми блиски до СДСМ сега ги вадат во јавноста?
Дали Заев и Филипче во обид да го затскријат својот криминал се обидуваат друг да наместат?
Наместо да креираат приказни, конструкции и шират паника кај населението, СДСМ и Филипче нека се посветат да си ја реформираат партијата. Единствени мигранти во Македонија се партиските мигранти на СДСМ кои им бегаат во други партии.
