Протестот на ССМ организиран и логистички поддржан од СДСM доживеа целосно фијаско, протестот е доказ дека граѓаните не паѓаат на евтини политички сценарија и злоупотреби на СДСM, велат од ВМРО ДПМНЕ.
Синдикалниот протест се покажа како лошо режирана партиска претстава на СДСM во кој ССМ послужи како параван за очајните обиди на СДСM да проба да се врати во игра. Наместо вистински работници на протестот беа партиски активисти на СДСM кои глумеа синдикалци.
СДСM да не ја потценува интелигенцијата на народот. Граѓаните јасно ги препознаа манипулациите и го игнорираа политичкиот театар на СДСM со што и испратија порака дека ваквиот вид на злоупотреби одамна не поминуваат.
ССМ наместо да биде заштитник на работничките права се претвори во продолжена маша на СДСM. Наместо борба за работниците народот ги препозна борбите за функции влијание и лични интереси.
Театарот на СДСM и ССМ не е синдикална борба туку политичка злоупотреба каде СДСM ги искористи работниците за политички поени и цели додека реалните проблеми на работниците ги стави на маргините.
Врската помеѓу СДСM и ССМ е јавна, директна и штетна за работниците. Наспроти лицемерието на СДСM, ВМРО-ДПМНЕ ќе продолжи со конкретни мерки и политики за раст на сите плати, подобрување на животниот стандард и вистинска грижа за сите граѓани.
