Со измени на закон ќе се зајакануваат капацитетите на комисијата за заштита на конкуренција која ќе треба да го контролира спроведувањето на законот за нефер трговски практики.
ВМРО – ДПМНЕ го предлага законот со цел државата да добие уште еден инструмент кој ќе помогне да се стави ред во трговијата, нема да се профитира врз грбот на граѓаните и конечно ќе има поевтинување. Законот ќе се најде на пленарна седница на втори октомври и власта очекува дека ќе има конструктивна дебата и истиот ќе може да се изгласа уште истиот ден. Во меѓувреме, комисијата за заштита на конкуренција може да постапува но, нема доволен капацитет.
Наместо досегашните два члена кои беа професионално ангажирани, сите пет члена ќе бидат професионално ангажирани, како и се отвора ентитет на прекршоци кој ќе може да одлучуваат по допрен глас. На втори октомври имаме седница, и очекувам сите пратеници да бидат одговорни и да се закаже комисија истиот ден , вели за Алфа Бојан Стојаноски од ВМРО – ДПМНЕ.
Алфа направи обиколка по скопските пазари . На пазарот Буњаковец пиперката се продава над 100 денари , домат јабучар 200 денари, зелка 100 денари , лимон 100 денари килограм, портокал 100 денари, кромид 30, модат патлиџан 50. Продавачите велат, тие што имаат пари купуваат повеќе . Според нив цената не ја формираат тие, туку се прилагодуваат на условите . Сериозен проблем е недостигот на домашно производство.
Во моментов е на сила мерката „есенска кошница“ со која во маркетите, според анализите на министерството за економија цените на 73-те производи паднале во просек од 5-10 отсто.
Законот за нефер трговски практики опфаќа 2548 продукти и со него ќе се отстранат 26 нефер трговски практики кои имаа учество во финалната цена на производите . Првите ефекти на намалени цени, министерството за економија очекува да се почувствуваат кон крајот на октомври кога трговците треба и да ги потрошат залихите од претходните договори.