Владата се фати за најболната точка во Македонија – јавното здравство.Полека но сигурно, ќе се лекуваат рак раните кои со години се таложеле во здравствениот систем. Лекарската фела ја поздравува големата најавена инвестиција за реконструкција на ГОБ “8-ми Септември” и реновирањето на КАРИЛ тоа ќе од голем бенефит како за пациентите така и за здравствените работници – оценуваат докторите. Според претседателката на Здружението на приватни лекари, со вложување во здравството Македонија ќе има поздрава нација и позадоволни бели мантили.
“Мора да се инвестира во здравството и во здравствениот кадар мора да имаме болници кои ќе работат 24 часа, бидејќи на терен сликата е катастрофална.Тргнувам од Велес имаме по еден специјалист на одделение, втора и трета смена тешко…еден човек не може да го издржи тоа.Мора да има болници кои во секое време ќе има човек кој може да оперира рутинска операција како слепо црево…и за пациент за тромб да се направи отстранување на тоа.Ова е за поздравување и мора да се мисли дали овие празни болници ќе ги правиме ургентни центри или старечки домови за да се искористат капацитетите” – вели д-р Лилија Чолакова Дервишова.
Очекувањата на докторите се дека со проширувањето на капацитетите во хирушките оддели, но и набавка на нова современа апаратура во болницата “8 септември” пациентите нема да чекаат со месеци за термини за интервенции и дијагностика.
Градската болница „8 Септември“ по повеќе од 80 години ќе биде реконтруирана. Проектот ќе чини 12 милиони евра, и е дел од големиот инвестициски циклус за реконструкција на здравствени установи а парите се обезбедени од ТАВ проект.
Инаку, изминатите седум години здравството тотално потона, а пациентите го плаќаа тоа со своето здравје и живот.Претходната власт не остави ниту еден белег за подобрување на оваа гранка. Наместо инвестиции, вработувања и повисоки плати во јавното здравство – јавноста сведоше на запалена модуларна болница, фекалии во болничките соби и изгубени животи поради лоши услови и немање кадар.
