Времените вработувања да траат максимум од шест до девет месеци и потоа работникот да добие договор на неопределено, зголемување на платите – ова се дел од барањата на синдикалците кои денеска ги примија заменик министрите за економија и труд и за социјална работа. Конфедерацијата на сојузот на синдикати побара од членовите на извршната власт конечно да се донесе законот за работни односи за кој изминатите 7 години добиваа само празни ветувања.
„Болно за работниците е, но се надевам дека оваа влада ќе го донесе законот за работни односи, кој седум години никако да го донесеме со претходната влада. Тоа е едно болно прашање, ги ислушавме работодавачите, како отпуштаат работници и кога работниците се вработуваат, посебно за приватниот сектор, со времени вработувања на три месеци или шест, договори до бескрај, со таквиот третман, работникот не се осеќа сигурен“, изјави
Владата ќе продолжи да се грижи за работничките права, ветија замениците министри Ристевски и Велковски. Но, со реални економски мерки, и без ад-хок решенија како во минатото .
„Она што го ветивме и претходно, пред да ја земеме надлежноста, ќе продолжиме и понатаму да го реализираме, а тоа е транспарентност, транспарентно работење, еден социјален дијалог на високо ниво, со синдикатите во Македонија, со работодавачите, со стопанските комори и градење на едни реални политики на една реална основа“, рече заменик министерот за економија и труд Марјан Ристевски.
„После економско социјалниот совет кој се одржа пред неколку недели, веќе влеговме во преговори, по однос на областите каде ќе интервенираме, како влада, прво беше точка на дневен ред образованието, каде што веќе се дефинирани веќе нели, оние покачувања што ќе се случат веќе во четири години од денеска, по проценти кои што ги најави и премиерот“, изјави заменик министер за социјална политика, демографија и млади Ѓоко Велковски.
Инаку Ресорот труд за неколку дена ќе премине во Министерството за економија. Велковски рече дека и покрај одвојувањето на ресорот, министерствата се една нераскинлива врска и дека тие и во иднина ќе настапуваат заеднички како Влада.
Љубиша Владимиров
