Денеска на владината седница се разгледува барањето на ЕСМ за прогласување кризна состојба на пазарот со електрична енергија. Се очекува тоа да биде прогласено за да се овозможи трошење на државните резерви на мазут.
Ваквиот потег се презема, бидејќи се јавија тешкотии во снабдувањето поради протестите на грчките земјоделци, од каде јагленот се доставува со задоцнување, а има проблеми и со испораката на мазут.
На почетокот на месецов, ЕСМ објави повик за набавка на мазут за РЕК Битола и за Осломеј, и се бараа над 14 илјади тони. Надлежните смируваат дека нема да има пречки во снабдувањето со струја, ниту се предвидени рестрикции.
