Владата ја зголеми квотата за работни дозволи за странски државјани за годинава на вкупно 10.000 ангажмани.
Според одлуката која стапува на сила денеска, 9.750 дозволи се наменети за редовно вработување на странци, додека 200 се за упатени странци, а 50 за сезонски ангажмани.
Дел од квотата, 4.500, е за нови работници, а останатите 5.250 се за продолжување на дозволите на веќе вработените странски работници.
Министерството за економија и труд ќе го следи искористувањето на квотата и состојбата на пазарот на трудот.
Лани Агенцијата за вработување издала вкупно 8.509 позитивни мислења за дозволи за работа, а Министерството за внатрешни работи издало 6.128 дозволи за престој на странски работници.
Бизнисмените со години бараат зголемување на квотите за вработување странски работници.
