Прометот во индустријата вкупно е намален за 0,7 проценти во ноември 2025 година во однос на ноември 2024 година, објави денеска Државниот завод за статистика.
Најголемо влијание врз опаѓањето на вкупниот промет во индустријата во ноември 2025 година, во однос на ноември 2024 година, имаат одделите: производство на електрична опрема со 10,4 проценти, производство на метали со 16,9 проценти и производство на машини и уреди, неспомeнати на друго место, со 4,9 проценти.
Според главните индустриски групи, опаѓање е регистрирано кај интермедијарни производи, освен енергија, за 5,6 проценти, и кај трајни производи за широка потрошувачка за 9,1 проценти, а пораст кај капитални производи за 1,1 процент и нетрајни производи за широка потрошувачка за 3,2 проценти.
Прометот во индустријата вкупно во ноември 2025 година, во однос на октомври 2025 година, бележи опаѓање од 6,1 проценти, а во периодот јануари – ноември 2025 година, во однос на периодот јануари – ноември 2024 година, бележи пораст од 5,2 проценти.
На домашниот пазар во ноември 2025 година, во однос на ноември 2024 година, има опаѓање од 4,5 проценти, а во периодот јануари – ноември 2025 година, во однос на периодот јануари – ноември 2024 година, од 0,1 проценти. На странските пазари, пак, во ноември 2025 година, во однос на ноември 2024 година, има пораст од 0,3 проценти, а во периодот јануари – ноември 2025 година, во однос на периодот јануари – ноември 2024 година, пораст од 6,4 проценти.
