Дел од граѓаните денеска го слават Св. Валентин, денот на љубовта, а пак дел од нив го празнуваат Св. Трифун, денот на виното. Рози, мечиња, букети, младите си разменуваат подароци и го користат денот за да се опуштат и ја прослават својата љубов. Постарите, пак, се подготуваат за добра чаша црвено вино заедно со најблиските.
Сепак за изразување на љубов не е доволен само еден ден во годината. На љубените, саканите и блиските со мали гестови љубовта треба да им се искажува секојдневно.
Свети Трифун се смета за заштитник на лозарите, се верувало дека тој ги штити лозјата и градините од разни штети и несреќи. Валентин кој е Светец во католичката и во протестантските цркви се смета за заштитник на љубовта и на вљубените, но последниве години, под влијание на западните земји, се повеќе се одбележува и кај нас, особено кај помладите. Речиси и да нема продавница, кафуле кое не е обоено во црвена боја и со разни предмети во форма на срце.
Давид Крстевски