Корупција и криминални зделки се главните карактеристики кои ја одбележаа работата на Агенција за филм во изминативе неколку години , вели филмската критичарка Сунчица Унеска, која додава дека ова е резултат на политичките конекции помеѓу дел од филмаџиите со претходната власт на СДСМ.
- „Големата коруптивност, концентриање моќ во мала група луѓе, многу незаконити постапки, многу голема дискриминација, многу фаворизирање на продуцентски куќи, многу безаконие, многу работи кои се направени спротивно на закон. Тоа би било она што би го издвоила, а кое што трае со години за жал.“ – Изјави филмската критичарка Сунчица Унеска.
Нејзината реакција доаѓа по серијата прилози на ТВ Алфа кои ги разоткриваат сомнителните шеми во Агенцијата за филм, но и по последниот извештај на Минис терството за Култура во кој се нотира судир на интереси, нелегално раздавање на народните пари, како и ред други криминални активности, за кои филмската критичарка Унеска вели дека не се изненадување. Таа додава дека во извештаите и на други институции, повеќе години наназад е нотирано криминалното работење на оваа Агенција.
- „Минатогодишниот извештај на државниот завод за ревизија, кој што исто беше многу негативен, го нарекуваа „паушален“, „подмолен“, „срамен“… Затоа што агенцијата работела неверојатно успешно и они сакале да ја дескридитираат. Истото се случува сега. Од страна на неколку челници на ДФРМ, кои што, исто овој извештај го нарекоа со најлоши зборови. Дека сака да ги дескридитира, дека е гробар на македонскиот филм… Што е нависитина срамно и невидено.“ – Истакна Унеска.
Таа е разочарана од правосудните органи, будејќи не превземаат ништо. А особено од претходниот состав на Собранието, за вели дека знаеле што се случува во Агенцијата за филм, но замижувале на криминалот.
Истражувањата на Тв Алфа обелоденија дека токму институцијата која треба да се грижи и да ја развива македонската филмска индустрија, ја довело пред колапс. Според документите од Министерството за Култура до кои дојдовме, само во 2022, Агенцијата за филм на конкурсите за финансирање филмски проекти од национален интерес, распределила средства во износ од над 330 милиони денари, односно двојно повеќе од буџетот кој бил предвиден за филмска дејност. Со ова, тие го оштетиле државнот буџет и го загрозиле производството на домашни филмови за идните пет години.
Никола Цветкоски
