Вистинско чудо е ако учениците кои користат автобус, успеат да стигнат пред да заѕвони во 7 и 30 за почеток на првиот училишен час.
Автобусите во Скопје доцнат,а кога ќе се влезе внатре нема место ниту игла да се фрли. Некои возат и со отворени врати зашто се преполни со патници, па е доведена во прашање и безбедноста на луѓето кои се превезуваат. На самиот почеток на школската година учениците веќе имаат неоправдани за доцнење, зошто ако не успеат да влезат во преполнетиот автобус, мора да чекаат и повеќе од половина час за следниот.
„Има гужви, обично не се качувам во првиот автобус што ќе стигне. Секој ден доцнам поради метежот. Исто така многу каснат.“- изјавија учениците.
И не се само средношколците. Со септември повторно излегоа старите проблеми на ЈСП. Речиси сите граѓани се жалат дека доцнат на работа. Раскажуваат дека преполните автобуси не застануваат на постојќите, а некои и воопшто не доаѓаат.
„Има и гужви и се случува и да не дојдат автобусите. Кога нема редовен превоз секаде се доцни. Карти бараат а никаква услуга нема.“- изјавија граѓаните.
Загрозено е функционирањето и на работниците и на учениците. Според Меџит Идризи од Синдикатот за приватниот административен и јавниот сектор на Скопје, нема довлно автобуси, ниту пак возачи, и тие се уште возат според летниот распоред. Освен малиот број на автобуси, кои често поради дефект среде возење, мора да се исклучат од сообраќај, проблем е и горивото, кое го нема доволно за сите возила. За наводите на синдикатот, се обративме кај директорот на ЈСП Скопје – Драги Кушовски но не остави без одговор. Неефикасното работење на претпријатието е директна одговорност на градската власт, а градоначалничката која е на залезот од мандатот, очигледно нема намера да преземе нешто. Во месеците што следат проблемот очигледно ќе остане, а промените и барањето решенијата ќе се префлат на грбот на новиот градоначалник на град Скопје.
