Тројца лекари-прилепчани кои работеле во приватна болница во Битола трагично го загубија животот во уажна сообраќајна несреќа што се случила на патот Прилеп – Битола во близина на селото Лагово. Лекарите, еден гинеколог, еден ренгенолог и еден рентген техничар загинале кога нивното возило „Тојота„, со кое оделе на работа во Битола, директно се судрило со камион „Волво“, по што двете возила се заплиле и целсоно изгореле. Засега нема точни информации како дошло до несреќата, односно дали камионот бил на спротивна лента и се забил во нив, или некој возел пребрзо. Возачот на камионот, кој е од Битола, ја преживеал трагичната несреќа и се наоѓа во болница.
„Најверојатна причина за оваа сообраќајна несреќа е неприлагодена брзина на условите на патот. Ние као медицинска екипа констатиравме смрт на 3 лица и едниот повреден, учесникот кој бил во камионот е итно пренесен во Општата болница во Прилеп со телесни повреди“, истакна Боше Милошески, началник на Итна помош Причеп.
Веднаш по ударот двете возила букнале во пламен, кој бил подгреан од товарот во камионот кој пренесувалнекој вид на сунгер, а тешко се гаси, но и поради фактот што едно од возилата е хибрид со литиумски батерии кои можат да експлодираат во вакви ситуации.
„Телата не се вадат се додека не дојди јавен обвинител да се изврши увид од крим техника и да се утврди точниот број на мртвите луѓе. Сега засега ова е ситуацијата, ние го обезбедуваме просторот, има и бензиои и нафта истечено, она е хибридно возило со литиумски батерии се надеваме дека нема да се случи експлозија“, додаде Виктор Стојчески, заменик командир на ТППЕ Прилеп.
Засега нема точни информации дали лекарите починале на лице место од самиот удар или пак од пожарот. Тоа, како и причините за несреќата треба да ги утврдат екипите на крим техника, полицијата и јавен обвинител, кои се на терен и вршат увид на местото на сообраќајката.
