Во 9 наутро бил примен на работа, но не ја видел пораката и веќе во 10 и 55 минути неговото место е пополнето, а тој не е примен. Хаос се случувало во јавните и државните установи, само ден пред 15ти февруари, откога со распишувањето на изборите, не може да има нови вработувања и разрешувања. Подобните за власта очигледно морале да бидат примени, па дури и на штета на оние кои регуларно влегле на конкурсите но не се членови ниту на ДУИ ниту на СДСМ.
Па така, незаконски на 15 ти февруари си се вработувале и преместувале во посакуваните институции со печати на кои стои датумот од претходен ден, односно 14 –ти февруари, што само по себе е кривично дело.
На вибер порака која кружи на интернет, вработен во една институција, задолжен за нови вработувања, известува регуларно избрани луѓе на конкурс – во колку часот треба да се појават таму само за да потпишат договор. А ако не одговорат на порака, тие се пречкртани без објаснување, а на нивно место влегуваат други – за кои не се знае ниту дали ги поминале тестирањата.
Хаос и паника за да станат буџетари на неопределено време и да го запазат законскиот рок имало и меѓу службениците во Министерството за информатичко општество и јавна администрација. Извори за Алфа брифираат дека таму покрај тоа што на 15 ти февруари незаконски се правеле договори со печати од 14-ти, исто така се потпишувале и согласности за размена на луѓе меѓу институции.
Вработените го знаат тоа. Но кога ќе ве притиснат од партии и повисоки ешалони, вработените се ставени меѓу два огна. Дали да го почитуваат законот или да ги слушаат претпоставените. Затоа алармарива кај вработените, алармирав и во јавноста. 3000 лица се обиделе за цел изминат рок, но со доаѓањето на техничката влада трендот продолжил. Постои лог дека докуменот е напишан на 15, а заведен на 14. Да влезе пазарен инспекторат и да си ја заврши работата, вели Стефан Андоновски технички министер за информатичко оопштество.
Месец ипол пред формирањето на техничата влада, Агенцијата за администрација објави над 80 огласи и стана расадник за нови предизборни административци.
Државната компанија ЕСМ вработуваше 500 лица. Фондот за здравствено осигурување бараше 41 работник за 36 позиции, Министерството за надворешни работи прими 15 извршители, а се вработуваа и во транспорт и врски и во Министерството за информатичко општество.
