Триесет милиони евра одвои Владата за развој и модернизација на македонското земјоделство. Последната транша од субвенциите се заокружи вчера, со исплата на млекопроизводителите, а министерот Трипуновски, најави дека преку програмата за директни плаќања, ваквиот тренд ќе продолжи и во иднина. Од Министерството за земјоделство се во постојана комуникација и со Брисел за откочување на ИПАРД фондовите.
„Со носењето на програмата за директни плаќања за 2026 година тоа беше негде на почетокот на 2 месец, до практично вчерашниот ден кога имаше последна исплата, се исплатени околу 30.000 евра, последната исплата се однесуваше на млекопроизводителите“, изјави министерот за земјоделство, Цветан Трипуновски.
Според Националната федерација на фармери, недостигот на работна сила и ниските откупни цени се главните предизвици со кои со соочуваат македонските земјоделци. Дополнително загрижува и фактот од растот на цените на нафта и репроматеријали и ѓубриња по војната на Блискиот исток. Од Владата велат дека внимателно ги следат состојбите и најавија дека ќе бидат превземени конкретни мерки со цел земјоделците, не се соочат со ценовен шок.
„Она што е важно во делот на цената на ѓубривата и на нафтените деривати, е дека како Министерство ги следиме состојбите секојдневно. Ќе видиме во каков правец ќе се движат. Доколку има потреба, нормално, како Министерството ќе излеземе со конкретни мерки и предлози за санација на таквата состојба“, изјави министерот за земјоделство, Цветан Трипуновски.
Во меѓувреме, одржани се и низа состаноци со здруженијата на одгледувачи на овци и претставници на месната индустрија. Трипуновски не очекува проблеми при откупот на јагнето за кое кланиците понудиле цена од 260 денари за откуп од лице место. Пикот се очекува веќе следната недела пред Велигденските празници.
