Трговците ја почитуваат акцијата наречена „Новогодишна кошничка“. Инспекторите постојано вршат контроли кај сите опфатени во мерката и не констатирале посериозни прекршоци.
Од мониторингот кој се врши за движењето на цените во изминатите 30 дена, со цел да се провери дали трговците ја злоупотребуваат мерката, пазарна досега не констатирала покачување на цените пред 15- ти декември од кога стартуваше акцијата.
– Во овие пет дена ДПИ регистрира ситни забелешки во смисла на означувањата и ситни корекции на цените кај два-три трговски субјекти. Не се забележани неправилности во поголеми размери. Можам да заклучам дека сите чинители во овој процес го почитуваат договорено, вели Стојкоски.
Кошничката досега брои повеќе од 1100 производи. Дали се почитува мерката лично провери и Министерот за економија. Дурмиши оцени дека производите се намалени за 10 отсто и повеќе. Тој апелираше до трговците да го почитуваат договорот што сами го понудиле :
– Оваа мерка беше на иницијатива на трговците, производителите и дистрибутерите, поддржана од страна на Владата. Државниот пазарен инспекторат е на терен за да види дали се спроведува. Апелирам до сите трговци да ја почитуваат мерката додека трае до 15 јануари 2025 како што ја почнаа првите денови затоа што ова е нивна мерка. Најголеми инспектори се граѓаните, ако забалежат изигрување на цените да се јават на бесплатниот број 191 или а ве страната на ДПИ, рече Дурмиши
Акциската листа опфаќа леб и житарици, пекарски производи, месо и преработки од месо, риба, млеко и млечни производи, свежо, замрзнато и конзервирано овошје и зеленчук, одредени пива и вина, безалкохолни пијалоци. Продуктите во маркетите се со обележана налепница „помалку трошоци – повеќе за тебе“, а граѓаните можат да ги проверат и на веб страната моја кошница. Доколку забележат прекршување можат да пријават во пазарен инспекторат
