Трагедија во Шутка. Дете на возраст од година и пол било нападнато и сериозно искасано од улично куче во дворот на семејниот, информираат неговите родители, пренесува РомаПрес.
Според сведоштвото на семејството, кучето најверојатно влегло во дворот додека членовите на семејството биле на терасата. Детето во тој момент било малку подалеку од останатите. Кога мајката се обидела да го избрка кучето, животното, според нивното сведоштво, се нафрлило врз детето. Било искасано по лицето, увото и трупот. Веднаш било пренесено воболница, каде што му била укажана помош. Случајот бил пријавен во полиција, а семејството ангажирало и адвокат.
Адвокатот на семејството, Ерман Исмаил изјави дека кучето уште е на улица и не е заловено од службите. Ваков случај не треба да се остави да помине незабележано, пред се бидејќи детенцето има една и пол година и овој напад од кучето страшно му ја влоши здравствената ситуација, вели адвокатот Исмаили кој најави тужба против Град Скопје.
