Арбен Таравари да ја оживее ДУИ од смртна постела. Само тоа може да го постигне со одлуката да ја напушти Вреди и евентуално да соработува со партијата на Али Ахмети. Интегративците се единствените кои можат да добијат од новите случувања на политичската сцена. Новинарот Џенур Исени за Алфа вели дека постоеше опција интегративците на локалните избори да доживеат целосен дебакл и да останат без ниту општина, но Таравари сега ги промени состојите.
-До овој потег на Таравари ДУИ беше на смртна постела, но после овој потег некако се оживува од клиничка смрт, што беа до ова време, бидејќи последните анкети јасно кажуваат дека Вреди да останеше со Таравари како што беа ќе го победеа ДУИ, но сега без него ситуацијата малку се промени, затоа ДУИ почна како што кажав да се оживува, вели Исени.
Од она што е познато е дека Таравари и Ахмети оствариле контакти, но се уште не се знае дали ќе соработуваат на локалните избори. Според Исени легитимно е Таравари да сака сам да ја провери својата сила, но евентуалната соработка до ДУИ би била удар на сам себе врз она што го правел минативе години.
-Господинот Таравари веќе наместил коцките како ќе настапи на локалните избори, сосема легитимно е една партија да излезе сама со свои листи, со свои листи, а друго прашање е кому тоа му оди во прилог, вели Исени.
Инаку, премиерот Христијан Мицкоски и министерот за здравство Арбен Таравари остварија средба која поминала во конструктивен дух. Првиот човек на Алијанса и шефот на македонската Влада се договориле да продолжат со разговори во текот на месецов, по што ќе се знае иднината на Таравари во Владата.
Матеја Петровски
