Македонската економија, со најнизок раст во регионот. Продолжуваат песимистичките прогнози за економските движења од меѓународните финансиски институции. Во јануарските проекции од Светска Банка се прогнозира дека растот годинава ќе биде 2,5 отсто, а во 2025 2,9 отсто , што ја сместува Македонија на последната скала во регионот. Највисоки прогнози во регионот има за Косово, а пред нас за 2024 се и Албанија, Црна Гора , Србија , Босна и Херцеговина, Хрватска , а само Бугарија за годинава има малку полоша прогноза од нас . ( тука телоп 1) . Овие прогнози на светска банка се попесимистички од оние на власта која очекува годинава раст од 3,4 отсто, врз кој е креиран и буџетот за 2024.
Проекции за 2024
Косово 3.9%
Албанија 3,2%
Црна Гора 3,2%
Србија 3,0%
БИХ 2,8 %
Хрватска 2,7%
Македонија 2,5 %
Бугарија 2,4%
Ваквите бројки покажуваат дека македонската економија бавно напреднала, осносно нема доволно капацитети за позначителен развој и годинава. Тоа и се очекуваше, а и се предупредуваше од страна на бројни експерти, но и од опозицијата, дека Власта преоптимистички ја планира народната каса за годинава кога имаме двојни избори.
Трендот на бавен напредок ќе се задржи и во 2025 кога ќе се зацврстиме на дното во регионот. Растот благо ќе се зголеми на 2,9 отсто, што е далеку на пример од прогнозите за Косово каде растот според Светска банка ќе изнесува 4%.
Проекции на СБ за 2025
Косово 4,0 %
Албанија 3,2%
Црна Гора 3,1 %
Србија 3,8%
БИХ 3,4%
Хрватска 3,0%
Бугарија 3,3 %
Македонија 2,9%
Според извештајот земјите од Западен Балкан се уште тешко се справуваат со последиците од воениот конфликт како и енормниот раст на цените .
Економиите од Западен Балкан минатата година биле погодени од намалената надворешна побарувачка, последиците од војната во Украина и зголемената инфлација и цените на енергенсте и на храната. Дополнително влијание има одложувањето на реформите поврзани со пристапување во ЕУ , се наведува во соопштението.
Според експертите , работатата на економските челници во Македонија годинава ќе биде зачувување на економскиот стандард,. Движењето на цените и платите годинава покажува дека куповната моќ на населението е намалена . Живеачката лани во споредба со 2022 била поскапа за 9,4 проценти . Новата методологија на синдикатот за пресметка на синдикалната кошничка покажува дека на едно просечно македонско семејство да преживее потребни му се над 56 илјади денари , значи им требаат една просечна и една минимална плата.
Инаку, на глобално ниво Светска Банка, за годинава предвидува дека ќе продолжи забавувањето и ќе биде 2,4 отсто, што е помалку од 2,6 проценти во 2023, 3,0 отсто во 2022 и 6,2 во 2021 година. Доколку ова сценарио се оствари, светската економија ќе забави трета година по ред.
