Доколу јавното претпријатие “Водовод ” не го подмири долгот за струја во висина од околу 280.000 евра,Струга ќе остане без капка вода бидејќи компанијата снабдувач со електрична енергија ќе ги исклучи пумпните станици од електро-енергетскиот систем. Локалната власт и јавното претпријатие со амин на мнозинството во Советот најдоа за нив соломоски решение, огромниот долг кој се акумулирал за само една година, да го превземе и така удавена во долгови Општина Струга.На ова силно реагираа опозициските советници.
“Вакви долгови општината не би требало да покрива и треба да се побара одговорност. Навистина граѓаните на Струга, оние кои живеат на вода се соочуваат со есенцијално прашање поврзано со водата и освен високите сметки за вода, треба да покриваат и долгови кои настануваат нерационално “–вели Никола Кукунеш-советник од ВМРО ДПМНЕ
–Создадено е непишано правило Општина Струга која е основач на јавните претпријатија да го превзема плаќањето на нивните долговите кои континуирано се создаваат ,а за тоа никој не превзема одговорност ,велат од Алијанса на Албанците.
Прашан како настал овој огоромен долг од 280.000 евра за 365 дена, директорот на претпријатието вели дека наследените долгови се зголемиле затоа што годинава пресушиле изворите кои ја гаснат жедтта на стужани,па морал дополнително да ги вклучи пумите за црпење на подземни води што според него,троши многу струја.
Кога дојдов во претпријатието наследив блокирана жиро сметка со судско решение согласно кое можам да користам месечно 8 милиони денари,а само за плати и други обрски одат 7 милиони денари. Побарав од судот зголемување на времената рамка на 10,5 милиони денари но тоа беше одбиено.Затоа неможеме да го исплатиме долгот кон ЕВН”, вели Дашмир Насуфи –директор на Ј.П “Водовод Струга :”
Насуфи потврди дека стужани ревносно си ги плаќале сметките за вода, со што на контото на прептријатието во последното тромесечје имало 3 милиони денари, пари кои што не се доволни за нормално функционирање на претпријатието. Поради долгот во неколку наврати до сега остана без струја административната зграда на прептпријатието.
Росица Голабоска
