Досега, над 100 македонски граѓани ги имаат откажано патувањата за осми март, поради страв од можна ескалација на ситуацијата на Блискиот Исток. Ваквата состојба создава штета и на патниците, но и на туристичките агенции. Таков пример беше и групата од 57 жени кои уплатија пари за осмомартовско патување во Кипар, а не заминаа поради војната на блискиот Исток. Жените велат дека се во постојана комуникација со агенцијата и дека настанатите проблеми очекуваат да бидат надминати.
„Во контекст на продолжувањето и мирно решавање на целосната ситуација и за да продолжи нашата соработка повторно сакам да се изванам на агенцијата во мое лично име. 00:44 Сакам да потенцирам дека таа изјава е дадена во има на сите 57 жени не само во мое лично име, дека сите ние 57 се водиме од оопштението од МНР го сметаме и е официјална препорака врз основа на која ниедна од нас не би се довела да ја стави во ризик сопствената безбедност“, изјави Билјана Цветковска.
По објавувањето на прилогот двете страни се договориле дека ќе бидат во постојана комуникација околу начинот на поврат на дел од средствата. Од Националната асоцијација уверуваат дека нема причина за откажување на аранжманите, бидејќи во Кипар не е прогласена вонредна состојба, ниту пак постои официјална забрана за туристички посети. Оттаму укажуваат на трпение кај патниците кои ги откажуваат аранжманите од лични причини, нагласувајќи дека во такви случаи не следува целосно враќање на средствата. Сепак, велат дека туристичките агенции се обидуваат да најдат најповолно решение за клиентите. Бесплатно раскинување на договор без финансиски последици е можно само доколку има прогласена вонредна состојба. Во врска со настанатата ситуација, Асоцијацијата побарала средба со министрите за туризам и за надворешни работи, со цел да се пронајде соодветно решение и да се прецизира во кои земји може безбедно да се организираат туристички патувања.
