Стопанствениците контра Бислимовски. Бизнисмените му порачаа на првиот човек на Регулаторна дека тој нема контакт со земјоделие и агробизнис и дека не може да дефинира дали во иднина ќе има зголемување на цената на лебот.
„Бислимовски чинам дека е претседател на Регулаторна комисија. Така да тој со земјоделие и агробизнис нема контакт за да може да дефинира дали ќе има покачување или не и општо за цените за прехрамбена индустрија“, рече Горан Ѓорѓиевски, потпретседателот на Сојузот на Стопански комори на Македонија
Ова следеше по изјавите на Бислимовски кој го коментираше ставот од претставниците од пекарската индустрија дека лебот во иднина ќе поскапе поради поскапувањето на струјата. Бислимовски рече дека тие во голем дел зависеле од домашното производство ѝ порача дека големите пекарски компании се законски обврзани да обезбедат електрична енергија на слободниот пазар и практично не ги засега евентуалното поскапување на струјата.
За бизнисмените, струјата е само еден импунт што учествува во финалниот производ, а цената на лебот зависи од голем број фактори. Како најбитен го потенцираа човечкиот, кој недостига во Македонија.
„Уште поголем и најбитен импут во моментов за кој што треба да се разговара се човечките ресурси. Сигурно имате информација дека платите се сериозно пораснати, има недостаток на човечки ресурси многу во нашата држава. Тој недостаток креира повисоки цени, поголеми плати, а сето тоа не ја следи продуктивноста во нашето општество“, рече Горан Ѓорѓиевски.
„Да бидеме свесни дека царинските стапки на суровините во прехрамбената индустрија имаат навистина многу негативно влијание и затоа многу често ние доаѓаме во ситуација да конзумираме прехрамбени производи со повисоки цени за разлика од нашите соседи кои се во Европската унија и прехрамбената индустрија континуирано тоа го објаснува и презентира“, рече Трајан Ангеловски претседател на Сојузот на стопански комори на Македонија
Лошите економски политики на СДСМ и ДУИ во изминатите години катастрофално се одразија на бизнисите и ги доведоа во тешка состојба. Сега и индустријата и граѓаните ја чекаат новата влада, од која очекуваат вовеедување мерки за да го ублажи ценовниот шок.
Дел од експертите предлагаат субвенционирање на цените на пченицата, но и воведување мерки за контрола на цените на основните животни потреби.
Љубиша Владимиров
