Во обид да го испочитуваат рокот, граѓаните на Македонија во редици, на ладно, чекаат да извадат лични документи. Ваквата недолична ситуација е резултат на неспособноста на министерот Оливер Спасовски и на владејачките СДСМ и ДУИ, велат од ВМРО-ДПМНЕ.
„И не случајно сме тука на импровизираниот пункт на МВР, каде што на минусни температури граѓаните се подложени да чекаат во редови надвор за да извадат лични документи. А, иста ваква слика со метеж и редици е и во пунктот во МТВ за издавање.
Јавноста мора да ја види вистинската слика за неспособноста на Оливер Спасовски, МВР и Владата на СДС. Ова е срамно, ова е сликата за владеењето на СДС и ДУИ. Ниту централата за закажување им работеше, ниту центрите за фотографирање им работеа на време, ниту сега имаат воспоставен систем за издавање на документи. Со еден збор – безредие!
МВР наместо да воведува ред, е извор на безредието во Македонија, несигурност и создава проблеми на граѓаните! Ако се сака за се има решение. Но, тоа во случај ако се не мисли на тендери и на криминал.
СДС мора да поднесе одговорност, а народот ќе ја испорача сметката за малтретирањето на следните избори“, потенцираат во партиското соопштение од ВМРО-ДПМНЕ.
