Црни точки кои одзеле голем број на животи не ги предомислуваат скопјани да си претрчуваат на сред коловоз, на главни и фрекфентни булевари каде нема пешачки премин. Натоварени со кеси од Зелен пазар, претрчуваат каде ќе им текне. Во главниот град освен што се вози брзо, не се почитуваат правила и закони, се вози под дејство на алкохол, сообраќајна култураа немаат ниту пешаците.. Критична точка е и булеварот кај Скопјанка во Аеродром..
Граѓаните бараат строги казни за несовесните возачи кои летаат по улиците, да се казнуваат и пешаците кои поминуваат каде ќе им текне, но да се подобри и сообраќјната инфраструктура.
„Јас внимавам каде префрлам, гледам да е на пешачки, ако се внимава нема да има несреќи, но сепак, возат брзо, Аеродром се вози брзо по булеварите“, изјави граѓанин.
„Лошо е луѓе, не пазат како возат, ама и ние пешаците не пазиме како префрламе, трчаме каде ќе стигнеме“, кажа граѓанка.
„Не е добро, не воопшто, не знам, ризично е да се префрла, ама и ние не внимаваме каде префрламе“, кажа граѓанка
Загрижуваат статистиките кои ги имаат Министерството за внатрешни работи.. Од 2019 до денеска секоја година околу 30 пешаци живото го губат по Скопските улици. Најмногу казни полцијата поделила за брзо возење. Во Македонија во последните 5 години се казнети 117.470 возачи. Според статиските загрижува фактот што во изминатите 5 години полицијата во Скопје, поради брзо возење регистрирала 3100 сообраќајни несреќи. А од 2019 до 2023 алкохолот бил причина за 316 сообраќајки во главниот град.
Негативните статистики и големиот број на жртви го вклучи алармот кај надлежните кои ги заострија контролите на патиштата ширум државава. Само во текот на вчерашниот ден, на ниво на Македонија изречени се 1036 казни од кои 186 се пешаци, 224 за брзо возење, а 76 за возење без возачка дозвола.
